प्रत्येक महिना महिनामा वा निश्चित नियमित अवधिमा सदस्य रहँदा सम्म अनिवार्य रूपमा सदस्यले जम्मा गर्न कवोल गरेको बचतलाई नियमित बचत भनिने छ । प्रत्येक महिनाको तोकिएको दिन अथवा सोभन्दा अगावै मासिक रुपमा जम्मा गर्ने गरी सदस्यले कबुल गरेको बचतलाई नियमित बचत भनिनेछ । यस्तो बचतमा सदस्यले मासिक न्युनतम रु.५०।– देखि अधिकतम जतिसुकै रकम जम्मा गर्न सक्नेछ ।यस्तो बचतमा सदस्यको नियमित आय क्षमताको आधारमा एक आर्थिक वर्षभरी समान दरमा जम्मा गर्नुपर्नेछ ।

संस्थाका सदस्यहरूले आफूस“ग भएको रकमलाई आफ्नो ईच्छाअनुसार राख्ने र झिक्न पाउने सुविधा भएको बचतलाई ऐच्छिक बचत भनिने छ । सदस्य बने पश्चात सम्पूर्ण सदस्यहरुले यस्तो खाता सञ्चालन गर्नुपर्नेछ । संस्थाले सदस्यलाई भुक्तानी दिनुपर्ने रकमहरु व्याज, लाभांश, संरक्षित पुँजी फिर्ता कोषको रकम यसै खाता मार्फत भुक्तानी दिनेछ । यस्तो बचतमा न्यूनतम रू १००० देखि संस्थाको क्षमता अनुरुप जतिसुकै रकम स्वीकार गर्न सकिने छ ।

दैनिक आम्दानी गर्ने सदस्यहरुको सुविधाका लागि संस्थाका सदस्यहरूले दैनिक रूपमा संस्थामा आई जम्मा गर्ने वा संस्थाका कर्मचारीहरूले दैनिकरुपमा सदस्यहरूको घर दैलोमा गई संकलन गरिने बचतलाई दैनिक बचत भनिने छ । दैनिक बचतमा न्यूनतम रू २५ देखी माथी जतिसुकै रकम जम्मा गर्न सकिने छ । यस्तो खाता सञ्चालन गर्दा संस्था र सदस्यबीचमा भएको सम्झौताका आधारमा खाता सञ्चालन गर्ने अवधि निश्चित गरिन्छ ।

सदस्यद्वारा संरक्षित ५ वर्षमुनीका बालबालिकाहरुले मासिक वा ऐच्छिक रुपमा जम्मा गर्ने बचतलाई कोपिला बचत भनिनेछ । यस्तो बचतमा बाल बचतकर्ताले न्युनतम रु १०० देखि अधिकतम जतिसुकै रकम जम्मा गर्न सक्नेछ । मासिक रुपमा जम्मा गर्नुपर्ने रकम बाहेक थप रकम समेत जम्मा गर्न चाहेमा यस्तो खातामा जम्मा गर्न प्रोत्साहित गरिनेछ ।

सदस्यको संरक्षकत्वमा रहेका ५ वर्षदेखि १६ वर्षसम्मका बालबालिकाहरुले मासिक वा ऐच्छिक रूपमा जम्मा गर्ने बचतलाई वाल बचत भनिने छ । यस्तो बचतमा न्यूनतम रु ५०० देखि अधिकतम जतिसुकै रकम बचत गर्न सकिने छ ।

घरमा कुनैपनि माध्यमबाट प्राप्त हुने सानो सानो रकमलाई पुँजी निर्माणमा उपयोग गर्नको लागि संस्थाका सदस्यहरूले आफूस“ग भएको थोरै, थोरै रकमलाई घरमा नै खुत्रुकेमा जम्मा गरी बेला–बेलामा संस्थामा ल्याई वा संस्थाका कर्मचारी नै सदस्यको घरमा गई जम्मा गरिने बचतलाई खुत्रुके बचत भनिने छ । यस्तो बचतमा न्यूनतम रु.१०० देखि अधिकतम् जति पनि बचत गर्न सकिने छ । खुत्रुके बचत संचालन गर्न चाहने सदस्यलाई संस्थाले संस्थाको आफ्नै लागतमा वा सदस्यको लागत सहभागितामा खुत्रुके उपलब्ध गराउनेछ ।

संस्थाका महिला सदस्यहरूले आफ्नो खरखाँचो टार्नको लागि संस्थामा नियमित वा ऐच्छिक रूपमा जम्मा गर्ने बचतलाई गृहिणी बचत भनिने छ । यस्ता बचत न्यूनतम १०० देखि अधिकतम जतिसुकै रकम बचत गर्न सकिने छ ।